Po flasim për Ilir Shaqirin dhe Eltion Merjan, që vijnë respektivisht në rolin e kryetarit të jurisë dhe balerinit shoqërues për konkurrenten Ina Kollçaku.

I ftuar në “Shqipëria Live”, Eltioni ka thënë se beson që Iliri do jetë profesionist në gjykimin e tij, duke mos u ndikuar nga asgjë, por shtoi se gjithçka mbetet për t’u parë.

“Mendoj se ai do jetë profesional, ka kaluar kohë dhe do i ketë hedhur gjërat pas krahëve, besoj se nuk do të ndikohet.  Më mirë të shohim se si do ecin gjërat, pastaj të flasim. Këtu jemi dy partnerë që i kemi ndarë rolet, unë i jap këmbëve, Ina i jep gojës,”- tha Eltoni.

Për ata që nuk e mbajnë mend, Eltioni dhe Iliri kanë patur disa debate shumë të ashpra së bashku në “Big Brother VIP 1”.

Eltioni, pasi hyri në “Big Brother VIP” i tha Ilirit se nuk e ka mbështetur në periudhën më të vështirë që po kalonte në jetën e tij, edhe pse kishte mundësinë që ta bënte.

Gjithçka bëhej fjalë se Eltioni nuk u zgjodh që të ishte kast i balerinëve profesionistë te “Romeo dhe Zhuljeta”, ku Iliri ishte pjesë e jurisë.

Nga ana tjetër, Iliri e mohoi duke thënë se nuk e njihte dhe se zgjidhte në bazë të meritokracisë. Asokohe, gjërat mes tyre agravuan shumë teksa Iliri as nuk e takoi Eltionin pas daljes.