Ndryshe nga të kaluarat, këtë herë policia ka vendosur mos të marrë të njëjtat masa, duke mos bllokuar me gardh metalik bashkinë. Kurse opozita ka sfiduar edhe temperaturat e lartë për të protestuar në kërkim të dorëheqjes së Erjon Veliajt, pas skandaleve me dosjen “5D” të drejtorëve.

Ndërkohë, efektivët janë vendosur vetë në rresht, duke bllokuar në kordon hyrjen e bashkisë së Tiranës Kujtojmë se kjo është protesta e 13 në radhë nga opozita, e cila kërkon dorëheqjen e kryebashkiakut Erion Veliaj.

Kujtojmë se kjo është protesta e 13 në radhë nga opozita, e cila kërkon dorëheqjen e kryebashkiakut Erion Veliaj.

Nënkryetari i Këshillit Bashkiak të Tiranës Dorian Teliti, në protestën para Bashkisë Tiranë, i ka bërë thirrje SPAK që të shqyrtojë dosjet që ka në tavolinë e të çojë para drejtësisë të çdo zyrtari i cili ka abuzuar me detyrën.

“Sot edhe pse dita më e nxehtë e verës, qytetarët nuk ndalojnë së protestuari e për të kërkuar të drejtat tona. Policët që sot e ruajnë do të jenë ata që do t’i vënë prangat pasie drejta do të triumfojë. Prindërit tanë hodhën poshtë diktaturën, ne na takon të hedhim poshtë këtë regjim. Sot Shqipëria e opozitarët të bashkuar nën flamurin e PD, nuk do të dorëzohemi. Sepse jemi me të drejtën e të vërtetën. Nuk ka forcë që e ndal popullin të fitojë të drejtat.

Thirrje SPAK: Ke dhjetëra denoncime në tavolinë, qindra faqe dosje, merri e shqyrtoi dhe çoi para drejtësisë fajtorët”, tha ai. /ZOOM.AL/