Rreth 31 mijë palestinezë janë vrarë në Gaza gjatë luftës pesëmujore, e cila filloi pasi militantët e Hamasit sulmuan Izraelin më 7 tetor, duke vrarë 1200 njerëz dhe duke marrë 253 pengje, sipas të dhënave izraelite.

Ministria e Shëndetësisë në Gaza nuk ka dhënë numër të të vdekurve mes civilëve dhe militantëve të Hamasit, por ka thënë se 72 për qind e të vrarë janë gra dhe fëmijë.

Në një intervistë dhënë medias gjermane “Axel Springer”, Netanyahu ka thënë se shtrirja e ofensivës së izraelit në Rafah, në jug të Gazës është çelësi për mposhtjen e Hamasit.

“Jemi shumë afër fitores. Sapo të fillojmë aksionin ushtarak kundër batalioneve të mbetura të terrorit në Rafah, është vetëm çështje javësh derisa të përfundojë faza intensive e luftimeve”, citoi gazeta Bild të ketë thënë Netanyahu.

/ZOOM.AL/