“Ambienti është shumë i motivuar, të fitosh një titull përballë Real Madridit është skenari më perfekt për një futbollist. Do të tentojmë të bëjmë një ndeshje të mirë, edhe pse jemi më pak në formë në krahasim me Realin. Duam ta shijojmë finalen dhe të marrim titullin e parë të sezonit.

Nuk mbaj mend që të kemi fituar një ndeshje dhe të mos e kemi merituar. Na ka ndodhur e kundërta, kemi humbur edhe kur nuk e kemi merituar. Ndoshta, ndaj Realit kur fituam nuk e merituam plotësisht, por kjo ndodh një herë në 200 ndeshje.

Ne kërkojmë të jemi dominues dhe të kemi zotërimin e topit, ky është plani që ndjekim prej kohës së Cruyff. Vitin e kaluar zhvilluam një futboll shumë të bukur dhe kështu duhet të vazhdojmë, jemi besnikë të “cruyffismit”.

Kush do të mbulojë Vinicius? Nuk jap emra, kështu do t’i bëja një nder Ancelottit. Ai është një nga trajnerët më të mirë të historisë së futbollit. Ka fituar kudo ka shkuar dhe askush nuk flet keq për të. Kam respekt maksimal për Ancelottin.

Bellingham? Nuk mund të përqëndrohemi tek vetëm një lojtar pasi përndryshe do të çmendeshim. Të gjithë lojtarët e Realit kanë një nivel të jashtëzakonshëm. Patjetër që Bellingham është i shkëlqyer, do të veçoja fizikun e tij. Është lojtar që bën diferencën, këtë bëri edhe në El Clasicon e fundit”, tha ai.

Ançeloti: Nuk ka favoritë në finale

Në konferencën për shtyp, edhe trajneri i Los Blancos, Carlo Ancelotti shprehet se skuadra është mirë, ndërsa e cilësoi trofeun si mjaft të rëndësishëm.

“Skuadra është e mirë dhe shumë pozitive para kësaj ndeshje, energjitë janë të rikuperuara. Jemi gati për finalen, bëhet fjalë për titullin e parë të sezonit dhe kjo është një ndeshje që e shijon e gjithë bota. A do të jenë vendimtare zëvendësimet?

Në një ndeshje si e ajo ndaj Barcelonës nuk mund të mendoj se kush do të jenë lojtarët që do t’i aktivizoj nga stoli përgjatë ndeshjes, sepse bëhet fjalë për një takim shumë dinamik dhe gjithçka ndryshon nga minuta në minutë. Unë i besoj shumë të gjithë lojtarëve që kam në stol, e di që janë të përgatitur. Kështu të gjithë lojtarë që bëjnë pjesë te Real Madrid.

SuperKupa është një titull i rëndësishëm për imazhin e klubit, në El Clasico nuk ka favorit. Edhe pse në këtë moment, Reali mund të jetë disi më mirë. E respektojmë Barcelonën, na mundi në vitin e kaluar. Xavi po bën një punë të shkëlqyer edhe pse nuk ka eksperiencën time sepse ai është ende shumë i ri. Ka një rritje të vazhdueshme dhe e ndihmon sigurisht eksperienca si një ish-mesfushor. E ndihmon vizioni që ka për futbollin”, theksoi ai. /ZOOM.AL/