Ju jetoni jashtë kufijve të Shqipërisë, si e more vesh ngjarjen?

Në fakt unë kam qenë në Shqipëri, kam bërë kallëzim për këtë djalin. I kam thënë edhe babait dhe i kam thënë që mos i afrohet vajzës së ajo është minorene. Ai nuk ka si të thotë që goca ime përdor hashash. Unë e dija lidhjen e tyre. Dhe goca më tha që ai e konsumon drogën. I kam thënë që hiq dorë. Goca ime paska ndenjur një natë te shtëpia e këtij. Shoqëria e ka pasur gjithmonë me gocën time. Por goca ime është minorene. Asaj i gënjehet truri shpejt

Mikeli thotë se nuk kanë kryer marrëdhënie?

Le çfarë thotë ai. Unë i kam thënë edhe babait të tij, mblidhe çunin, mos më hapni probleme.

Sa denoncime keni bërë në polici?

Kushedi sa herë ka shkuar nëna ime dhe i kanë thënë ik se nuk merremi me gocën tende. Ai gjeti një femër pa nënë dhe pa baba dhe i turrej asaj.

Ka qenë në qendra rehabilitimi vajza?

Ka qenë në jetimore dhe Mikeli i shkruante përsëri. I kam thënë që qëndroi larg vajzës.

Në korrik të këtij viti ka pasur një denoncim dhe policia nuk ka reaguar?

Jo hiç fare. Nuk e di si ka ndodhur ngjarja, sepse çuni im punonte nga mëngjesi në darkë. Nuk ka mundësi që dy vëllezër…kushedi ca i kanë bërë çunit ata që ka reaguar në atë mënyrë.

A ishte konsumues i lëndëve narkotike?

Jo fare, kurse alkool pinte. Po të pyes atje, të gjithë e njohin çfarë fëmijë është ai. Fajin e ka babai i tij dhe shteti. Unë i kam thënë që mbajeni larg çunin tuaj larg nga vajza ime, se do më hapni probleme. Do më fusni çunin në burg. Çdo vëllai nuk do të shikojë motrën keq.