Aplikacion
Dy persona u prangosëmn për rrëmbimin e 68-vjeçarit, teksa u sekuestruan edhe celularët dhe mjete të tjera.
“Menjëherë pas kallëzimit të një shtetasi 68 vjeç, se për motive të dobëta, 2 shtetas i kishin hequr lirinë, duke e mbajtur për disa minuta, kundër vullnetit të tij, në një automjet, si dhe se ishte kanosur me qëllim dhënien e një shume parash, shërbimet e Komisariatit të Policisë Elbasan organizuan punën për kapjen dhe nxjerrjen përpara përgjegjësise penale të 2 autorëve.
Si rezultat, në kuadër të operacionit policor të koduar “Përfitimi”, u identifikuan, u kapën dhe u vunë në pranga autorët e dyshuar të këtij rasti, shtetasit R. K., 57 vjeç, banues në Peqin dhe bashkëpunëtori i tij”, tha policia.
Gjithashtu, në cilësinë e provës materiale u sekuestruan automjeti ku u mbajt 68-vjeçari dhe 3 celularë.
Materialet procedurale i kaluan Prokurorisë Elbasan, për veprime të mëtejshme, për veprat penale “heqja e paligjshme e lirisë”, kryer në bashkëpunim dhe “shtrëngimi me anë të kanosjes ose dhunës për dhënien e pasurisë”. /ZOOM.AL/
Kryemadhi merr fjalën dhe quan propagandë nepotizmin, Meta ikën nga salla dhe flet me të rinjtë