Para se të ndaheshin, nëpërmjet një fotoje në Instagram, Jasmina tregoi për të gjithë ndjekësit se Andi kishte qenë i ftuar në ditëlindjen e Fationit, por ishte larguar menjëherë drejt Vlorës për të qenë protagonist në videoklipin e Dionës dhe kjo gjë e revoltoi së tepërmi Jasminën.

Nga ana tjetër Andi ka pohuar disa herë se ai dhe Diona janë thjeshtë bashkëpuntorë e miq të mirë me njëri-tjetrin e se mes tyre nuk ka asgjë më tepër. Ndërsa këngëtarja deri më sot nuk kishte reagur për këtë çështje, duke lënë dy ish-konkurrentët e “Për’puthen” që konfliktin ta zgjidhnin me njëri-tjetrin.

Ndërkohë e ftuar sot në emisionin “Soiree”, Diona Fona foli për herë të parë në lidhje me këtë çështje. Ajo tha se nuk është shqetësuar fare për lajmet e Andit dhe Jasminës dhe u shpreh e bindur se nuk ka qenë ajo arsyeja e ndarjes mes tyre.

“Ç’ka duket në televizion, nuk është e vërteta. Gjithmonë duhet të lesh hapësirë që të mendosh që është ndryshe historia. Nuk është që edhe i kam përcjellë. Ata si çift nëse kanë vendosur që të ndahen, kanë vendosur që të ndahen për arsyet e veta. Unë nuk kam lidhje. Unë kam pasur bashkëpunim profesional. E kam marr si model, si aktor në spot edhe kaq”, u shpreh Diona.

Ndërsa kur u pyet nëse Andi mund të ishte tipi i djalit që Diona do të pëlqente, nëse do të gjendeshin në një situatë tjetër, ajo u përgjigj:

“Andi është shumë i mirë në të gjitha aspektet dhe kam shumë respekt për të. Është shumë djalë i mirë. Mendoj që e ka menaxhuar situatën shumë mirë. Po more, pse jo. Ka sene shumë të mira të një djali, s’i dihet. (duke qeshur)”.