Është një zonjë 88-vjeçare, një ish-mësuese ruse: Vera Dmitrievna Gurevich. Një person i zakonshëm për shumë njerëz, por jo për Vladimir Putin.

E moshuara ka qenë e mësuesja e tij, në të vërtetë më shumë se një mësuese, pasi ka luajtur një rol nëne për të.

Është i njohur fakti që kreu i Kremlinit ka patur një  fëmijëri të vështirë e cila daton që nga vdekja e dy vëllezërve të tij më të mëdhenj, ndërsa vendlindja e tyre, Leningrad, u shkatërrua nga lufta.

Në ato vite, nëna e Putinit, Mariya Ivanova, gati vdiq nga uria. E humbur nga lodhja, ajo u vendos mes grumbujve të kufomave përgjatë rrugëve ku qëndroi deri në zgjimin e saj, kur e gjeti veten të rrethuar nga trupat e burrave, grave dhe fëmijëve të vdekur.

Në fëmijërinë e Presidentit të ardhshëm rus, prindërit e tij jetonin në një apartament të ftohtë në një ndërtesë të infektuar me parazitë.

Pikërisht në atë periudhë të keqe mësuesja i’u afrua sepse e pa të humbur Putinin, në shoqëri të keqe dhe pa arsim prindëror.

Vera kishte parë tashmë tek ai një person të zgjuar dhe inteligjent dhe për këtë arsye vendosi të mos e braktiste 11-vjeçarin në mëshirën e fatit.

Për këtë arsye, Putin gjithmonë e ka konsideruar mësuesen si shpëtimin e tij dhe si një nënë të vërtetë.

Gurevich, së bashku me instruktorin dhe mentorin e xhudos të Putinit, Anatoliy Rakhlin, u bënë dy figurat prindërore që djalit i nevojitej. Pasi u rrit, ai nuk do ta harronte kurrë atë që ata të dy bënë për të.

Putin, tani 69 vjeç, duket i vendosur të ecë përpara me çdo kusht me planet e tij në Ukrainë.

Putin, për shëndetin e të cilit ka zëra gjithnjë e më shqetësuese, pranoi se ai ende flet me zonjën Gurevich për ta pyetur se si po ecën. Të dy janë fotografuar së bashku ndër vite, gjithmonë në një qëndrim familjar, shpesh duke u përshëndetur në një përqafim të ngushtë.

Një lidhje që ka zgjatur dhe vazhdon ndër vite. Prandaj shpresat e shumë njerëzve janë drejtuar te mësuesja që mund ta bëjë atë të ndryshojë mendje. Dashuria që i lidh është e pamohueshme, por a do të ishte vërtet në gjendje ta bindte atë të pushonte luftën në Ukrainë?