Duke iu drejtuar fansave në buletinin e Jlo , këngëtarja shkroi: “Jam e mërzitur dhe e shkatërruar që ju zhgënjej”.

Live Nation siguroi fansat në një deklaratë se ata do të rimbursohen automatikisht.

Turneu vjen pas nxjerrjes së albumit të saj të nëntë This Is Me… Now, i cili u publikua 20 vjet pas albumit të saj të suksesshëm, This Is Me… Then. Ky është albumi i parë i këngëtares pas pesë vitesh.

Turneu dy-mujor i Amerikës së Veriut do të niste në Orlando më 26 qershor dhe do të përfundonte në Hjuston në fund të gushtit.

Duke iu drejtuar fansave, Lopez tha: “Nuk do ta bëja këtë nëse nuk do ta ndieja se ishte absolutisht e nevojshme. Ju premtoj se do ta kompensoj dhe do të jemi sërish bashkë. Ju dua shumë të gjithëve. Deri herën tjetër.”

Anulimi i turneut vjen pasi spekulimet për një krizë në martesën e Lopez me aktorin Ben Affleck. Çifti u pa për herë të fundit së bashku në fillim të kësaj jave në ceremoninë e diplomimit të vajzës së Affleck, Violet. Ata janë të martuar që nga korriku i vitit 2022.