Edhe kamerat e sigurisë që janë sekuestruara nga grupi hetimor nuk kanë ndihmuar për të rënë në gjurmët e atentatorëve, edhe pse paraprakisht dyshohet se 3 personat janë vrasës me pagesë të kontraktuar për të shkaktuar viktima në biznesin e familjes Murati.

Burime bëjnë me dije se deri më tani mendohet se masakra brenda lokalit është vijimësi të disa ngjarjeve mafioze të regjistruara në trekëndëshin: Tiranë, Laç dhe Lezhë, të cilat kanë tronditur opinionin publik për mënyrën e ekzekutimeve të kryera. Shënjestra kanë qenë familjarët e Fatjon Muratit, por fatkeqësisht humbi jetën banakierja, e cila ishte në punë, Mimoza Paja.

Ngjarja dyshohet se ka motiv hakmarrjen për një sërë vrasjesh zinxhir të kryera për shkak të konflikteve të disa grupeve rivale, por ende nuk ka një gisht të drejtuar ndaj personave të caktuar që mund të kenë dhënë udhëzimet për masakrën. Po ashtu, e paqartë është se cili për vëllezërve Murati kërkohej për t’u eliminuar, pasi Fationi sapo ishte larguar nga Shqipëria, ndërsa në Tiranë ndodheshin vetëm Ylli dhe Ervis Murati. Ky i fundit ishte ai që dërgoi me urgjencë në spital xhaxhain që mbeti i plagosur nga breshëria e plumbave, por u shpreh se edhe pse ishte në momentin e ngjarjes, nuk kishte mundur të pikaste asnjë detaj nga autorët.