Më 9 shtator, marinsat nga një bazë në Kaliforni donin të testonin një armë të re. Ata vendosën një raketëhedhëse në pjesën e pasme të një dhie robotike, që është në dispozicion komercialisht për publikun dhe e përdorën atë në ushtrime stërvitore.

Në një video të publikuar që tregon testin, mund të shihni se si dhia robotike vendoset në mënyrë të sigurtë në një poligon qitjeje, brenda një strehe të ndërtuar me thasë rëre. Pas kësaj jepet urdhri për të qëlluar dhe menjëherë hidhet granata raketore.

Ndërsa është e vërtetë që kjo lloj teknologjie, siç thekson Popsci, njihet si një “qen robot”, marinsat iu referuan asaj në termat e një dhie. Prandaj kemi vazhduar me këtë emërtim, edhe pse nuk është zyrtar.

Testi specifik u krye me një M72 LAW, një raketë hedhëse që është në shërbim në ushtrinë amerikane që nga viti 1963. E vërteta është se është një armë e lehtë, e lirë dhe shumë e lehtë për t’u përdorur. Në fakt, ajo është një armë klasike midis forcave detare dhe mund të qëllohet nga kushdo që ka trajnime bazë.

Përdorimi i kësaj dhive robotike në mjediset ushtarake është kurioz, pasi na ofron informacionin dhe të dhënat e nevojshme për të ditur se ushtria e fuqive kryesore, janë në një tranzicion intensiv, drejt teknologjive të reja . Këto mbi të gjitha kanë teknologjinë e dronit dhe robotëve. /ZOOM.AL/