Efektivët bllokuan rrugën “Sokratous” për të kontrolluar mjetin, i cili sipas autoriteteve, është në pronësi të një shqiptari.

Brenda makinës, policia gjeti armë zjarri dhe një sasi eksplozivi, të cilat u sekuestruan si provë materiale.

Shqiptari që drejtonte mjetin së bashku me gruan e tij u arrestuan dhe u shoqëruan në komisariat për t’u marrë në pyetje.

Referuar mediave greke, ai është me precedentë të mëparshëm kriminalë për drogë.

Autoritetet po vijojnë hetimet për të zbardhur më shumë detaje për ngjarjen.