Pandeli Majko njofton se ka bërë një hap konkret.

Ai ka takuar kryetaren e Kuvendit dhe shkruan se i kërkoi Spiropalit që t’i kërkohej Shërbimit Informativ Kombëtar informacion me shkrim, “lidhur me aludimet për fshehje informacioni të deklaruar dje në publik nga Sali Berisha”.

Reagimi i Pandeli Majkos:

Sot, në takim me kryetaren e Kuvendit të Shqipërisë, Elisa Spiropali!

I kërkova që brenda protokolleve në fuqi, ti kërkohej Shërbimit Informativ Kombëtar informacion me shkrim, lidhur me aludimet për fshehje informacioni të deklaruar dje në publik nga Sali Berisha!

Kam vendosur që të dorëzoj çdo imunitet parlamentar i cili mund të jenë i nevojshëm për hetimin e çështjes së ngritur për emrin tim në deklarimet publike të Sali Berishës.