Për disa minuta janë fikur dritat dhe shkaku i ndërprerjes së rrymës elektrike mbeti i panjohur. PD e cilësoi akt të qëllimtë dhe të paprecedentë të pushtetit.

Basha prezantoi sot programin e PD me sloganin “Shqipëria Meriton më shumë”, në Parkun Olimpik të Tiranës. Por teksa kreu i PD po rendiste të dhënat e programit për çdo sektor, në sallë është stakuar energjia elektrike. Për disa minuta Parku olimpik i Tiranës ka qenë në errësirë.

PD në një reagim për mediat e quajti veprim të qëllimshëm fikjen e dritave.

“Ky është një rast i paprecedent i pushtetit, i cili, ndërkohë që investohet për të mbajtur në lojë ata që dëmtojnë opozitën, kanë frikë nga PD dhe nga Basha, për shkak të pastërtisë dhe alternativës së tyre qeverisëse. Është hera e parë që ndërpritet energjia elektrike në një Kuvend Programor në një kohë që prej kohësh nuk ka pasur probleme me energjinë në Shqipëri”, thuhet në deklaratën e PD. Me rikthimin e energjisë kreu i PD ka vijuar prezantimin e programit. /ZOOM.AL/