Aplikacion
Ndërsa dyshimet janë që ai të ketë kryer edhe krime të tjera në periudhën që ka qenë i lirë, për të cilat organi i akuzës ka nisur të kryej verifikime.
I shoqëruar nga tre policë dhe me një shishe uji në dorë, ai është shfaqur i qetë para gjykatës, ndërsa nuk ka shfaqur pendesë.
“Nuk jam i penduar, i kam bërë të gjitha me vetëdije të plotë”, mësohet të jetë shprehur Hutra.
Vrasjen e Etleva Kurtit, tha se e kreu pasi i vëllai, sipas tij, donte ta helmonte kur ishte në burg. Konfliktin mes të dyve e ka pranuar edhe vëllai i viktimës, Vladimir Kurti.
Ndërsa për dënimin e mëparshëm për dhunë në familje (ndaj ish-bashkëjetueses së cilën e plagosi më 1 Mars), u shpreh se është një vendim i dhënë padrejtësisht. “Jam dënuar pa faj për dhunën në familje, nuk e kisha prekur”, tha Hutra.
“I kërkoj drejtësisë, mos dënoni njerëz të pafajshëm, për të mos mbërritur në masakra të tilla”, është shprehur më tej.
Gjatë seancës, gjyqtarja e ka pyetur: E di që me këto akuza rrezikon burgim përjetë?
“As më intereson fare”, ka pohuar Hutra. “Edhe 5 burgime të përjetshme të jenë. E kam mbyllur”.
Pas filmimit të pamjeve nga mediat të Hutrës në kafazin prej xhami, seanca u mbajt me dyer të mbyllura.
Kush është Dan Hutra?
Dan Hutra është një njeri i njohur për drejtësinë shqiptare. Ai ka një skedë të pasur kriminale ku përfshihen vepra të ndryshme penale për përdhunim, pengmarrje, vrasje, 2 tentativa të bujshme arratisjeje, sherret në burg, vjedhje, në total 20 vite histori kriminale.
Në vitin 2003 ai kishte përdhunuar kunatën e tij.
Në vitin 2007 ka vrarë bashkëshorten. Është dënuar me 16 vjet burg dhe ka kryer 15.
Sapo doli nga qelia në vitin 2022 u arrestua për dhunë në familje ndaj bashkëjetueses që plagosi pak ditë më parë në Kodër Kamzë.
Doli pas 8 muajsh, por u arrestua sërish për vjedhje dhe po ndiqej në gjendje të lirë kur kreu masakrën me 3 gra të vrara dhe tre të plagosura. /Zoom.al
U plagosi shokun, 40 shqiptarë në burgun e Torinos bëhen bashkë dhe rrahin marokenin