Pjesërisht ngjason me filmat, “Jumanji” dhe “Black Mirror: Bandersnatch”, si dhe vjen i mbushur me ulërima dhe momente të frikshme.

Në film, një vajzë e re fillon ta luajë një lojë retro dhe përpiqet me çdo kusht ta fitojë çmimin kryesor. Por ajo shpejt zbulon se kjo nuk është një lojë e zakonshme por një lojë e mallkuar. Loja pasqyron në mënyrë të frikshme jetën reale dhe shumë shpejt, zgjedhjet që ajo është e detyruar t’i bëjë, fillojnë të kthehen në situata vdekjeprurëse. Dhe siç thotë shprehja e vjetër, nëse vdes në lojë, patjetër që vdes edhe në jetën reale.

Në rolet kryesore të këtij projekti vijnë aktorët, Iola Evans, Asa Butterfield, Eddie Marsan, Kate Fleetwood dhe të tjerë.

Për të gjithë adhuruesit e filmave të frikshëm, “Choose or Die”, lansohet në platformën digjitale Netflix më 15 prill 2022./L.K

/Zoom.al