Sipasm ediave të huaja, shteti skandinav dëshiron të ulë moshën në të cilën një vajzë e re mund të kërkojë abort pa pëlqimin e prindërve të saj në 15 nga 18 vjeç.

Lajmin e ka bërë me dije ministrja e Barazisë Gjinore, Marie Bjere. Qeveria shpalli vendimin e saj për të mbështetur këtë propozim me rastin e 50-vjetorit të miratimit të ligjit që u jepte grave të drejtën për të zgjedhur abortin.

Danimarka ishte një nga vendet e para në Evropën Perëndimore që legalizoi abortin, në vitin 1973. Gratë e reja nën moshën 18 vjeç lejohen të bëjnë abort, por vetëm me pëlqimin e prindërve të tyre.

Aborti mund të ngjallë shumë emocione, faj dhe turp. Kërkimi i pëlqimit të prindërve për nën 18 vjeç mund të jetë i turpshëm dhe të ketë pasoja të rënda. Ne duam ta ndryshojmë atë në mënyrë që gratë e reja të zgjedhin nëse do të përfshijnë ose jo prindërit e tyre”, shkroi Bjere në Twitter.