Shqiptari është kapur rastësisht nga policia greke të shtunën në zonën e Neapolit në Lasithi.

Policia greke tregohet e rezervuar në dhënien e detajeve të mëtejshme për momentin, por mësohet se shqiptari është transferuar në Komisariatin e Heraklion për procedura të mëtejshme.

I kërkuari shqiptar rezulton i dënuar me 20 vjet burg për “vrasje te mbetur në tentativë”, për një rast të ndodhur verën e kaluar, kur qëlloi një person duke e lënë të plagosur rëndë.

Ai jetonte në Greqi, në Agios Nikolaos dhe kishte plotësuar dokumentet për leje qëndrimi për arsye pune. Ai është identifikuar nga patenta, por identiteti nuk u publikua në momentin e parë. /Z.Q./