Por përveç funeralit të monarkes, zyrtari nga Brazili e ka shfrytëzuar këtë rast për të bërë dhe një video ku u drejtohej qytetarëve të tij për çmimin e karburantit.

Ai ka filmuar veten teksa bën një krahasim mes çmimit të karburantit në Londër dhe atij në qytetet e Brazilit, ndërsa thotë se këta të fundit kanë karburantin më të lirë.

Në një video të filmuar me celular, Bolsonaro tha se kostoja është “praktikisht dyfishi i mesatares së shumë shteteve braziliane” dhe gjithashtu pretendoi se karburanti në Brazil është ndër më të lirët në botë.

“Unë jam këtu në Londër, Angli, dhe çmimi i benzinës është 1.61£, kjo është rreth 9.70 R$ për litër. Benzina jonë është në fakt, ndër më të lirat në botë”, pohoi ai.

Videoja u postua në internet një natë para funeralit të Mbretëreshës. Disa komentues në mediat sociale kritikuan pretendimin e Bolsonaro dhe thanë se nuk është një krahasim i drejtë pasi paga minimale e Brazilit është shumë herë më e ulët se ajo e Britanisë.

Presidenti i Brazilit ka trumbetuar një rënie të çmimit të karburantit, ndërsa ai përpiqet të fitojë zgjedhjet e muajit të ardhshëm. Sondazhi i fundit nga IPEC tregon se ish-lideri Luiz Inacio Lula da Silva është përpara Bolsonaros, me 47% kundrejt 31%.