Në pranga ra Elvis Gaçaj, i cili njihet si pjesëtar i klanit “Duka”. Ai u kap teksa qarkullonte me armë zjarri me vete.

Gaçaj është emër i njohur për policinë. Ai ka qenë i arrestuar disa herë për armëmbajtje pa leje, lëndë narkotike dhe vjedhje, ndërsa po ashtu është akuzuar për vrasjen e Santiago Malkos.

Në vitin 2015 ndaj tij u bë një atentat në Tiranë. Por, Elvis Gaçaj shpëtoi mrekullisht, ndërsa të vdekur mbetën dy personat e tjerë.

Aurora Oskian dhe Kevin Rugova mbetën të vdekur ndërsa po dilnin nga një lokal në rrugën “Ramiz Kovaçi”.

Ata ndodheshin si pasagjerë në automjetin që drejtohej nga Elvis Gaçaj.