Problemet më të shumta janë hasur në zonën veriore të vendit, por sipas ARRSH, mjetet borëpastruese janë në terren dhe po punojnë për normalizimin e situatës.

Në segmente të caktuara puna, shton Autoriteti Rrugor Shqiptar, vështirësohet për shkak të erës së fortë dhe prezencës së orteqeve.

Për drejtuesit e mjeteve apelohet përdorimi i zinxhirëve dhe gomave dimërore.

Njoftimi i Autoritetit Rrugor Shqiptar:

📍Në aksin malor Vaudejes-Pukë-Kukës, Ura e Çerenecit-Bulqizë 🌨️ka reshje të shumta dëbore, ku në Qafë Mali arrijnë deri në trashësi 40-50cm⚠️

🚜Në terren po punohet me 4 borëpastruese, qarkullimi kryhet me vështirësi ❄️dhe me kujdes, sidomos në segmentin Fierzë-Qafë Shllak🚧 pasi ka erë të fortë💨 që e përhap borën nga bankina në rrugë, duke sjellë edhe prezencë të orteqeve, çka vështirëson punën e borëpastrueseve🦺

⚠️Rekomandohet përdorimi i zinxhirëve 🛞si dhe shmangia e këtyre akseve nga drejtuesit e mjeteve deri në qetësimin e situatës🛣️

📍Në Peshkopi-Maqellare dhe Ulëz-Burrel❄️vazhdojnë reshjet e dëborës🌨️
🚧Mjetet borëpastruese po punojnë pa ndërprerje🚜për pastrimin e rrugës dhe shpërndarjen e kripës për të evituar ngricat🗻
Rruga është e hapur për qarkullimin e mjeteve🚘

⚠️Drejtuesit e mjeteve të pajisen me goma dimërore dhe zinxhirë kur udhëtojnë për në segmentet me prezencë dëbore, të ulin shpejtësinë, të respektojnë sinjalistikën dhe udhëzimet e Policisë Rrugore👮