Prokuroria e Posaçme kërkon 4 vite heqje lirie për Zamira Vyshkën, ish-gjyqtare e Gjykatës së Elbasanit.
Vyshka akuzohet për “Korrupsion pasiv i gjyqtarit, prokurorit dhe funksionarëve të tjerë të drejtësisë”, në bashkëpunim.
Dyshohet se ajo ka negociuar me familjarë të një të arrestuari, Xhulio Musaj për t’i lehtësuar pozitën penale.
Sipas hetimeve të nisura në vitin 2021, gjyqtarja ka kërkuar fillimisht 2 milionë lekë, por më pas e ka rritur kërkesën në 4 milionë.
Të pandehurit e tjerë, Ilir Pashaj (avokat), Taulant Ramollari dhe Xhulio Musaj akuzohen për kryerjen e veprës penale të “Korrupsioni aktiv i gjyqtarit, prokurorit dhe i funksionarëve të tjerë të drejtësisë”, kryer në bashkëpunim, ndërsa Andrea Tirana, për kryerjen e veprës penale të “Moskallëzimi i krimit”.
Më herët, gjykata ka pranuar gjykimin e shkurtuar për Vyshkën, e cila ka mohuar akuzat ndaj saj.
Bëhuni pjesë e Zoom.al 👇👇
Related Posts
None found
