Ngjarja ndodhi rreth orës 8 e 30 minuta teksa punëtori i montimit të hekurave ishte mbi urë dhe nuk është ndjerë mirë duke pësuar të fikët.

58-vjeçari Mujedin Biba është dërguar me urgjencë fillimisht në Qendrën Shëndetësore të Klosit e më pas në spitalin e Burrelit ku dhe është konfirmuar vdekja e tij.

Paraprakisht dyshohet se 58-vjeçari me origjinë nga Kukësi të ketë humbur jetën si pasojë e një arresti kardiak, ndërsa policia dhe Inspektoriati Shtetëror i Punës dhe Shërbimeve Shoqërore kanë nisur hetimet për zbardhjen e ngjarjes.

Aksidentet në punë me humbje jetë janë bërë të zakonshme në vendin tonë.

Sipas INSTAT cdo muaj në Shqipëri humbain jetën në vendin e punës nga 2 deri në 3 persona.