Imran Khan u rrëzua nga kundërshtarët e tij si kryeministër në vitin 2022 dhe tashmë po vuan një dënim prej tre vitesh burg pasi u dënua për korrupsion.

Ai i ka quajtur të gjitha akuzat ndaj tij të motivuara politikisht. Dënimi ndaj tij vjen një javë përpara zgjedhjeve të përgjithshme dhe Khan i ndalohet të kandidojë.

Ish-ministri i Jashtëm Shah Mahmood Qureshi, nënkryetar i partisë Pakistani Tehreek-e-Insaf (PTI) të Khan, u dënua gjithashtu me 10 vjet burg nga gjykata speciale.

E ashtuquajtura çështja e kodit rrotullohet rreth rrjedhjes së supozuar të sekreteve diplomatike të dërguara nga ambasadori i Pakistanit në Uashington në Islamabad kur Khan ishte kryeministër.