Një hetim i inteligjencës artificiale që analizon tiparet e fytyrës, ecjen dhe të folurit e Putinit ka arritur në përfundimin se të paktën dy klone kanë zënë vendin e tij, shkruan britanikja ‘The Sun’. Kur një profesor i shquar i brendshëm në Kremlin pretendoi se Putin mund të ishte ndarë nga jeta më 26 Tetor nga një atak në zemër, zëdhënësi i Kremlinit e mohoi diçka të tillë.

Megjithatë, një mohim i tillë ka dështuar të frenojë thashethemet se klonet e rremë të Vladimir Putin janë vendosur për të mbushur vakumin e pushtetit të krijuar nga vdekja e tij e papritur. Analiza e zërit nga paraqitjet publike të despotit nga Laboratori i respektuar i Institutit të Komunikimit Audio të Japonisë mbështeti gjithashtu pretendimet se dublikantët ishin në lojë.

“Trupi i tij po ruhet”

Historitë për klonimin e tij kanë qarkulluar me vite, por nisën të besoheshin vetëm këtë vit, kur ekipi japonez i hetimit, arriti në përfundimin se Putini i vërtetë priti këtë vit paradën vjetore të Ditës së Fitores në Sheshin e Kuq më 9 maj, por një Putin tjetër mund të ketë inspektuar urën e Krimesë 11 muaj më parë.

Teknologjia AI gjeti një përputhje deri në vetëm 53 përqind midis dy kloneve. “Ekspertët në njohjen e fytyrës do t’i referoheshin kësaj si “mos-përputhje” në shumicën e rasteve, gjë që na çon në supozimin se mund të kemi të bëjmë me një dublikim“, thanë ata. Një tjetër paraqitje e Putinit – në vijën e frontit të Luftës së Ukrainës në Mariupol në mars – tregoi vetëm 40 përqind përputhjes mes dy fytyrave.

Raporti përfundonte: “Analiza e ekspertëve po shfaq qartë probabilitetin e lartë që të paktën ekzistojnë dy klone të Vladimir Putin.” Madje thuhet se klonet janë përdorur edhe në takime të nivelit të lartë, duke zemëruar aleatët që e njohin personalisht liderin rus. Presidenti i Kazakistanit Kassym-Jomart Tokayev u tha se ishte i zemëruar që një nga klonet e shqiptoi gabim emrin e tij kur u dërgua për ta takuar në kryeqytetin Astana javën e kaluar. Pretendimet se Putini ishte rrëzuar dhe kishte vdekur muajin e kaluar u shfaqën fillimisht në kanalin General SVR të aplikacionit të mesazheve Telegram.

Ky kanal, ka rreth 500,000 ndjekës kryesisht rusë dhe pretendon se njohuritë i sigurion nga rrethi i brendshëm i Putin. Madje, thuhet se elita sekrete ruse po planifikon të mbajë kontrollin e pushtetit duke bërë një garë për të kandiduar në zgjedhjet presidenciale të vitit të ardhshëm. Klonet me tipare të Putinit janë trajnuar intensivisht për pikëpamjet e tij dhe se si të përgjigjen në takime dhe raste ceremoniale. Ish-kreu i shërbimit të sigurisë FSB, Patrushev thuhet gjithashtu se po kujdeset që djali i tij Dmitry, 46 vjeç, të marrë postin president.

Mjeshtri i spiunazhit, i veshur me një kostum të zi të errët, tha: “E lodhur nga vitet 1990, shoqëria ruse priste zgjidhjen e problemeve ekonomike dhe forcimin e sigurisë. Kërkonte një lider që të vinte në krye të axhendës mirëqenien e popullatës, të shfaqte cilësitë më të larta njerëzore dhe organizative, vullnetin dhe përkushtimin. Një udhëheqës i tillë ishte Putini, i cili fillimisht shërbeu si Kryeministër, më pas u zgjodh President dhe, në përputhje me kushtetutën, u bë Kryetar i Këshillit të Sigurimit të Rusisë. Ai e dinte në detaje gjendjen e punëve në vend, kishte një program të qartë veprimi”.