zoom

Aktualitet

Iku nga infermieria, ky është i burgosuri i arratisur nga burgu i Shënkollit

Personi që shikoni në foto është Daut Laze, i cili është arratisur nga burgu i Shënkollit mbrëmjen e së hënës.

Raportohet se i dënuari për dhunë në familje është larguar nga infermiera e intitucionit të dënimit.

Sipas Drejtorisë së Burgjeve, Daut Laze është arrestuar më 16 nëntor 2021 dhe Gjykata e Tiranës ka vendosur ndaj tij masën “Mjekim i detyruar në një institucion mjekësor”.

Raportohet se pas kontrollit të menjëhershëm nga stafi i policisë në institucion, është vërejtur se ky shtetas me mjekim të detyruar ka shfrytëzuar hapësirat e mundshme të cilat janë në parametrat e institucionit të posaçëm mjekësor për tu larguar nga rrethimi i institucionit.

“Ai ishte arrestuar më 16 nëntor 2021. Me vendimin nr. 528, akti datë 4 nëntor 2024, Gjykata e Shkallës së Parë të Juridiksionit të Përgjithshëm Tiranë kishte vendosur ndaj tij masën mjekësore “Mjekim i detyruar në një institucion mjekësor”, sipas nenit 46 të Kodit Penal. Pas kontrollit të menjëhershëm nga stafi i policisë në institucion, është vërejtur se ky shtetas me mjekim të detyruar ka shfrytëzuar hapësirat e mundshme të cilat janë në parametrat e institucionit të posaçëm mjekësor për tu larguar nga rrethimi i institucionit”, njoftoi sot Drejtoria e Përgjithshme e Burgjeve.