Në mbledhjen e qeverisë së të mërkurës pritet që orari i punës nga e hëna në të enjte të shkurtohet me dy orë. Ndërsa ditën e premte administrata publike do të punojë vetëm katër orë.

Ky vendim vjen si masë mbrojtëse për shëndetin e punonjësve si pasojë e valës së të nxehtit që ka prekur vendin.

Pritet të shihet nëse vendimi i qeverisë do të përmbajë masa lehtësuese për kategori të veçanta si gratë shtatzëna apo të sëmurët kronikë.

Pak ditë më parë një vendim të tillë mori edhe qeveria e Kosovës.