Madje edhe Kosova iu përgjigj sinjalizimeve me shkurtim të orarit të punës këtë javë dhe ndalim qarkullimi për disa kategori mjetesh të rënda. Në Shqipëri askush nga autoritetet nuk ka reaguar në interes të qytetarëve, madje zjarret janë kthyer në problem serioz.

Deputetet e Partisë Demokratike Albana Vokshi dhe Dhurata Çupi, kanë dalë sot në një deklaratë për mediat, ku u kërkua reagimi i qeverisë në mënyrë që të mbrohen qytetarët për shkak të situatës së vështirë që është krijuar nga temperaturat e larta që kanë mbërthyer vendin.

Deputetja Çupi u shpreh se target grup janë të miturit, fëmijët e mitur, gratë shtatzëna dhe punëtorët që për shkak të natyrës së profesionit të tyre duhet të punojnë jashtë.

“Personat më të rrezikuar nga temperaturat e nxehta janë të moshuarit, të miturit, personat me aftësi të kufizuara, punëtorët në natyrë, si policët, bujqit, të cilët nuk duhet të rrinë gjatë jashtë, të strehët, personat me të ardhura të ulëta.

Duam t’i bëjmë të artë qeverisë që ky është target grupi të cilit shteti duhet ti qendrojë pranë. Jemi detyruar të dalim me propozime sepse qeveria nuk ka reaguar. Jemi këtu pranë qytetarëve me këto propozime”, tha ajo. /ZOOM.AL/