Aplikacion
Avokatët e koalicionit “Bashkë Fitojmë” janë shprehur se mosdeklarimi më vete përbën vepër penale dhe kanë kërkuar që Kreshnik Hajdarit t’i hiqet mandati. “Dënimi mund të jetë i ulët, pak rëndësi ka. Pyetja sot është pse nuk u deklaruar. Kjo përbën vepër penale. KQZ ka pasur raste në të shkuarën, si Kajmaku, dhe rëndësi kishte mosdeklarimi në formularin e dekriminalizimit”, tha një nga avokatët e koalicionit “Bashkë Fitojmë”.
“Ajo që ne kërkojmë është pavlefshmëri dhe përfundim mandati të kryebashkiakut të Kucovës”, tha avokati tjetër. Kujtojmë se, sipas njoftimit të prokurorisë, ai rezulton i dënuar me vendim të formës së prerë nga Gjykata e Janinës. Kryebashkiaku socialist është shpallur fajtor për kalim të paligjshëm të kufirit në vitin 1999 në moshë të mitur. /ZOOM.AL/