Hamasi ka argumentuar se i liroi ato për arsye shëndetësore dhe humanitare, por ndërkohë burrat e tyre vijojnë të mbahen peng.

Dy të moshuarat kanë mbërritur në Tel Aviv ku kanë marrë edhe ndihmën mjekësore.

Lirimi i tyre pason atë të së premtes së kaluar, kur u liruan dy pengje amerikano-izraelite, Judith Raanan dhe vajza e saj Natalie.

Ndërkohë, në Izrael ka mbërritur presidenti francez Emmanuel Macron, i cili ka kërkuar armëpushim humanitar. Macron pritet të takohet me kryeministrin izraelit Benjanim Netanyahu, për t’i kërkuar që të lejohet ndihma për të hyrë në Gaza.