Me këtë fjali në “Facebook”, gazetari Lutfi Dervishi përmbledh dy nga ngjarjet më të rëndësishme dhe të komentuara të momentit: Dhunën barbare që u ushtrua nga fisi Rraja ndaj fisit Maja për guroren në Borizanë dhe të gjitha lëvizjet që e pasuan si edhe kërkesën e SPAK për arrestimin e ish-ministrit Arben Ahmetaj.

Ngjarja skandaloze e ndodhur në Borizanë u shoqërua me shkarkimin e ministrit të Brendshëm, Bledi Çuçi dhe emërimin në vend të tij të Taulant Ballës.

Ky emër nxiti reagime në publik dhe në ditën që do të diskutohej në mbledhjen e grupit parlamentar për postin e ri të Taulant Ballës, SPAK doli me kërkesën për të arrestuar Arben Ahmetajn.

Gurorja shpërthen në Krujë dhe shqetëson banorët e zonës, por “shkund” edhe politikën në Tiranë, veçanërisht kampin rozë të socialistëve.