Shtatëzania nuk e ndaloi yllin e muzikës pop Rihanna të merrte pjesë në këtë event kaq të bukur e cila ishte e shoqëruar me partnerin e saj reperin A$AP Rocky.

Ndër emra të famshëm që morën pjesë ishin gjithashtu edhe aktori i “House of Gucci” Jared Leto dhe kampionia e tenisit Serena Williams.

Kjo është e para sfilatë e Gucci në Javën e Modës në Milano e cila është mbajtur pas dy vjetësh për shkak të pandemisë Covid 19. Në nëntor, ajo mbajti një sfilatë jashtë kalendarit në Los Anxhelos.

Duke ecur në një pasarelë të veshur me veshje shumëngjyrshe, modelet mbanin një sërë kostume pantallonash: të lirshme me shpatulla me majë. Disa kishin të veshur xhaketa sportive  me një shpatull.

Ato që dominuan ishin veshjet e përshtatshme për disko , ato të viteve 80 me kostume të ndezura dhe jumpsuit me shkëlqim. Koleksioni përmbante dantella, funde me shkëlqim të çarë.

Drejtori kreativ Alessandro Michele e quajti koleksionin “Exquisite Gucci”,  një fuqi e shenjtë që rrezaton nga sipërfaqja e pëlhurave të kryqëzuara që shpalosin ndryshimet dhe zbrazëtira.

“Bashkimi i botëve dhe kuptimeve. Ndryshimi i qëndrueshmërisë së perceptimit. Manipulimi dhe zmadhimi i ekzistueses. Nëpërmjet këtyre ndërhyrjeve, unë i festoj rrobat si laboratorë të vërtetë optikë: makina magjike që lindin nga përralla metamorfoze dhe rimagjepsje”, u shpreh Michele.

Michele zbuloi gjithashtu një bashkëpunim me Adidas, me logon dhe vijat e markës sportive që shfaqen në xhaketë sportive, fustane të gjatë me korse me zinxhir, pantallona, duke përfshirë kapele të ngjashme me kapelat e notit dhe kapele bejsbolli me vizore para dhe mbrapa. Aksesorët përfshinin kravata të holla, beretë dhe një gamë të gjerë çantash.

Java e Modës në Milano pritet të zgjasi deri më 28 shkurt. / L.K