Situata më problematike mbetet në Rodos pasi aty vijojnë të digjen pyje në zona të thella, çka e vështirëson ndërhyrjen nga toka.

Në frontet e Atikës Perëndimore mëngjesin e së enjtes gjendja duket shumë më e mirë krahasuar me ditët e mëparshme, ndërsa në Mandra dhe Dervenochoria po punohet me mjete ajrore për të shuar flakët.

Autoritetet kanë bërë me dije se një 30-vjeçar është arrestuar pasi ka rrëfyer se ka vendosur qëllimisht tre zjarre, dy ditët e fundit dhe një vitin e kaluar.

Ndërkohë Greqia po ndihmohet me avionë zjarrfikës nga Izraeli e po ashtu edhe me ekipe të posaçme Sllovakia dhe Polonia.