Pas njoftimit të datës 12 janar 2025 për bllokimin e lëvizjes së kamionëve dhe autobusëve në Pikën Kufitare Kapshticë nga pala greke, sot është bërë i mundur rifillimi i qarkullimit të tyre.

Sipas informacionit të fundit, në orën 14:35, pas kontakteve me autoritetet greke, është lejuar lëvizja e kamionëve dhe autobusëve në drejtim të Greqisë.

Policia Kufitare njofton se kalimi në anën tjetër po vijon normalisht.

Një ditë më parë, pala greke njoftoi ndalimin e qarkullimit për autobusët dhe mjetet e tonazhit të rëndë për shkak të motit të keq.