Ngjarja ka ndodhur ditën e djeshme në Amarinthos të Evias, në Greqi, teksa policia njoftoi ndalimin e prindërve shqiptarë të viktimës dhe marrjen e tyre nën hetim për pakujdesi.

Petrit dhe Vezire Elezi, 56 dhe 48 vjeçe, nga Durrësi, kanë gjetur brenda automjetit të tyre, të lënë të parkuar dhe të pasiguruar jashtë banesës, djalin e tyre Skerdi Elezi, 23 vjeç, i cili ishte pa ndjenja. Ai është transportuar në spital rreth orës 12:00 dhe në orën 23:37 ka ndërruar jetë.

“Në orët e para të mëngjesit të sotëm, policia greke ka arrestuar dy prindërit Petrit e Vezire Elezi me akuzën se kanë lënë të pafuqishëm djalin e tyre, i cili vuante nga një çrregullim neuropsikologjik, konkretisht autizëm – prapambetje mendore, me pasojë vdekjen. Gjithashtu është urdhëruar kryerja e autopsisë së viktimës”, thuhet në njoftimin zyrtar. /ZOOM.AL/