Njoftimi erdhi në ditën e fundit të një greve të përgjithshme tre-ditore të mbajtur nga Unioni Kombëtar i Samsung Electronics (NSEU).

Sindikata tha se kishte marrë vendimin pasi menaxhmenti nuk tregoi synim për të zhvilluar bisedime mbi kërkesat e tij.

NSEU, e cila përfaqëson gati një të katërtën e punëtorëve të Samsung Electronics në Korenë e Jugut, tha se veprimet e saj kishin ndërprerë prodhimin. Samsung e ka kundërshtuar këtë pretendim.

“Samsung Electronics do të sigurojë që të mos ketë ndërprerje në linjat e prodhimit. Kompania mbetet e përkushtuar për t’u angazhuar në negociata të mirëbesimit me sindikatat,” tha firma për BBC News.

Megjithatë, sindikata tha: “Kompania nuk ka ndërmend të angazhohet në dialog edhe pas grevës së parë të përgjithshme, kështu që ne shpallim një grevë të dytë të përgjithshme duke filluar nga 10 korriku, me kohëzgjatje të pacaktuar”.

Samsung Electronics është prodhuesi më i madh në botë i çipave të memories, smartfonëve dhe televizorëve.

Është njësia kryesore e konglomeratit koreano-jugor Samsung Group.