Ai kaloi nga izolimi në izolim, pa kaluar ende 24 orë nga dalja e tij nga Big Brother VIP Kosova.

Dhe ky vendim duket se ka shkaktuar përplasje edhe mes vetë produksioneve të dy reality show-ve.

Producentja e Big Brother VIP Albania, Olsa Muhameti, në një postim në rrjetet sociale hodhi kunja ndaj televizonit TCH ku edhe u bë e njohur.

“Duke pushuar disa orë sot, se ta mendosh po mbaj dy Big Brother-a. Sfilitesë”, shkroi ajo, duke nënkuptuar një tension mes dy produksioneve.

Ndërkohë, Big Brother Kosova paralajmëroi një rrëfim të rëndësishëm të Gjestit për linjën e jetës në kanalin e tyre zyrtar në YouTube.

Por, pas një pritjeje të gjatë, transmetimi live u ndërpre dhe videoja nuk u shfaq fare.

Ky anulim i papritur ka ngjallur spekulime të shumta, duke ngritur pyetje nëse bëhej fjalë për një problem teknik apo një strategji për të tërhequr më shumë vëmendje dhe klikime nga ndjekësit.