Krahas trupit të multimilionerit Vladislav Avayev, 51 vjeç ishte gruaja e tij shtatzënë Yelena, 47 vjeç dhe vajza më e vogël Maria, 13.

Trupat, të gjithë me plagë nga armë zjarri, u gjetën nga vajza e rritur e çiftit, Anastasia, kur ajo hapi me forcë dorën, pasi nuk arriti të komunikonte mr familjen e saj. Policia thotë se ka nisur një hetim dhe po merr të gjitha dëshmitë e nevojshme. Vajza e tij, Anastasia mësohet t’u ketë thënë oficerëve se arma kishte qenë në dorën e babait të saj në momentin që ajo i gjeti të pajetë.

Avayev ka punuar më parë si një ekzekutiv i lartë në Gazprombank, një pjesë kyçe e skemës së Vladimir Putin-it të gazit për rubla për të kundërpërgjigjur sanksionet perëndimore, në të cilat Putini kërkoi nga kompanitë e huaja të hapnin një llogari me bankën.

Më parë ai kishte qenë nënkryetar i një departamenti të madh në administratën e Kremlinit të Putinit. Ai ishte i pasur nga kompania e tij e ndërtimit.

Një teori është se ai e ka kryer vetë krimin, pasi dyshonte se e shoqja ishte shtatëzëne nga shoferi i tij.

Megjithatë, raportet janë të paqarta nëse gruaja e vdekur ishte shtatzënë. Llogari të tjera sugjerojnë se ish-bankieri i pasur kishte zbuluar se gruaja e tij kishte një lidhje dhe shoferi kishte dhënë dorëheqjen.

Një fqinje e çiftit mësohet të ketë thënë:

“Ndoshta ishte për shkak të sanksioneve, të gjithë janë në depresion, disa janë të gatshëm të shkojnë në masa ekstreme”.