Për herë të parë, partnerja e futbollistit të famshëm, Cristiano Ronaldo, do të rrëfejë para kamerave të gjithë jetën e saj, duke nisur nga një prej lagjeve më të varfra të provincës spanjolle, Harca e deri te burgosja e babait. Ky i fundit ishte pjesë e një grupi që merrej me kontrabandë kanabisi nga Maroku në Spanjë.

Gjithashtu bukuroshja brune ka folur për momentin kur në moshën 18-vjeçare është zhvendosur në Londër, aty ku do të ndiqte ëndrrat e saj. Georgina ka studiuar anglisht në të njëjtën kohë me mësimet e saj të vallëzimit, ndërsa punonte si kameriere për të siguruar jetesën.

Ndërsa ndalesa e radhës ka qenë Madridi, aty ku fillimisht ka punuar si shitëse në shtëpinë italiane të modës së lartë Gucci. Me kalimin e kohës, ajo filloi që të dallohej në industrinë e modës si modele, duke krijuar bashkëpunime me revista të tilla si Grazia, Men’s Health, Women’s Health, Glamour. Rodriguez ishte gjithashtu edhe imazhi kryesor i fushatës së të brendshme dhe bikinive të Yamamay.

Si u njoh me futbollistin e famshëm, Cristiano Ronaldo?

Georgina ka zbuluar se ishte dashuri me shikim të parë. “Ne u takuam në Gucci, ku unë punova si asistente e shitjeve”, ka treguar bukuroshja për takimin e saj të parë me portugezin në 2016.

Po atë vit, në muajin nëntor, ata u panë së bashku për herë të parë në një dalje publike në Disneyland, Francë. Të gjithë pyesnin se kush ishte vajza misterioze që i “vodhi” zemrën Ronaldos, menjëherë pas ndarjes nga modelja e famshme, Irina Shayk.