“Fjalët e tua po më vrasin”. Nuk është më vetëm një thënie mes të dashuruarve që po kalojnë një krizë në marrëdhënien e tyre.
Një studim neuroshkencor i kryer nga Fondacioni Giancarlo Quarta, në bashkëpunim me Universitetin e Padovës dhe Pnc (Qendra e Neuroshkencës së Padovës) tregon se dhimbja e fjalëve ekziston.
Studimi tregon se truri aktivizohet në mënyrë agresive nga fjalët e pakëndshme dhe krahasohet me dhimbjen fizike.
Konkretisht, hulumtimi është bërë për të demonstruar dëmin që mund të ketë komunikimi i keq në marrëdhënien mjek-pacient.
E kush nuk ka ndjerë, të paktën një herë, një ndjenjë zhgënjimi përballë komunikimit me mjekun! Por këtu ka shumë më tepër. Mos përgjigjja ndaj nevojave emocionale të pacientit jo vetëm që dëmton, por prish “aleancën terapeutike”.
FIORE 2 (Functional Imaging of Reinforcement Effects) është vazhdimi i një studimi të parë që mati efektet në nivelin e trurit të një komunikimi që plotësonte nevojat e pacientit.
Në këtë studim të dytë të kryer duke përdorur teknikat e neuro imazhimit (rezonancë magnetike funksionale), u tregua se çfarë ndodh në tru kur jemi në një marrëdhënie jofunksionale.
Hulumtimet tregojnë, në fakt, se ndjesia negative është një përvojë gjithëpërfshirëse, që aktivizon njëkohësisht zonat e trurit që u përkasin sferave njohëse, emocionale dhe motorike.
Midis zonave të ndryshme të trurit, është parë se përforcimi negativ aktivizon rrjetin nervor që percepton dhe përpunon dhimbjen. Kur komunikimi nuk funksiononte, vihej re një aktivizim i zonave motorike, sikur subjekti ndjente të dëmtuar integritetin e tij dhe ishte gati të reagonte ose të ikte. Gjithashtu u raportua se fjala negative favorizon sjelljen jo sociale./ilgiornale
Bëhuni pjesë e Zoom.al 👇👇
Related Posts
None found
