Kompania e Elon Musk, Neuralink, do të kryejë testet e saj të para me çip në trurin e njerëzve.
Neuralink ka marrë miratimin nga Administrata Amerikane e Ushqimit dhe Barnave (FDA) dhe ka për synim të ndihmojë njerëzit e paralizuar që të mund të fillojnë të lëvizin apo të verbërit që të shikojnë sërish duke lidhur trurin me kompjuterët.
Kompania e miliarderit tha se ky është “një “hap të parë të rëndësishëm që një ditë do të lejojë teknologjinë tonë të ndihmojë shumë njerëz”.
Firma e Elon Muks shpreson të përdorë mikroçipat për të ndihmuar njerëzit e verbër apo të paralizuar, dhe për të ndihmuar disa persona me aftësi të kufizuara të përdorin kompjuterët dhe teknologjinë celulare.
Çipat, të cilët janë testuar te majmunët, janë krijuar për të interpretuar sinjalet e prodhuara në tru dhe për të transmetuar informacionin te pajisjet përmes Bluetooth.
Miratimi nga Administrata Amerikane e Ushqimit dhe Barnave shënon një moment historik për kompaninë, e cila po zhvillon një pajisje për ta futur në tru nga një robot dhe e aftë për të deshifruar aktivitetin e trurit dhe për ta lidhur atë me kompjuterët.
Bëhuni pjesë e Zoom.al 👇👇
Related Posts
None found
