Ka qenë Arian Çani kohë më parë që ka shpërthyer ndaj Blendi Fevziut, të cilin e ka quajtur “një mortje”. E gjitha ka ndodhur në studion e emisionit “Të paekspozuarit”, që drejtohet nga Ylli Rakipi. Çani nuk përmendi emër, por u kuptua qartë që e kishte për Fevziun, pas bisedës me Rakipin.

Biseda:

Çani: O zoti Ylli kije pak mendjen këtu, se unë pak marr telefonin dhe ti bën namin

Rakipi: E kam me dikë që po më shkruante për këtë punë

Çani: Jam më i rëndësishëm se ai. Ti shikon kafshët dhe budallenjtë në ekranet e tjera që s’kanë fare lidhje me analizën, janë out. Si shikon fantomasët e ndyrë që na i shpifën

Rakipi: Kolegu ynë ka pyetur ambasadoren për paratë e pista

Çani: Po ç’koleg mo, ai është një mortje.

Sikur të mos mjaftonte kjo, Arjan Çani shpërtheu përsëri në rrjete sociale duke ofenduar ish-mikun e tij Blendi Fevziu, duke e quajtur ndër të tjera, “fantomas” dhe “këllirë”.

I ftuar në po të njëjtin emision “Të Paekspozuarit”, Fevziu zgjodhi ta injorojë moderatorin, duke u shprehur se nuk ka shqetësim dhe interes për njerëz që e shajnë dhe se komentet e tyre nuk ndryshojnë asgjë.

Ylli Rakipi: Do të pyes për një gjë interesante. Një kolegu ynë, që ka filluar të më shajë edhe mua nëpër mesazhe që u dërgon njerëzve, të ka sharë në facebook. Për Arjan Çanin e kam fjalën. Si ka mundësi? Di gjë ti?

Blendi Fevziu: Në përgjithësi jam i ftohtë ndaj komenteve. Nuk më bën përshtypje asgjë. Kam nja 4-5 njerëz, mendimi i të cilëve më intereson, që janë rreth i afërt. Nuk kam shqetësim për askënd që shan. Një periudhë kohe i ripostoja sharjet.

E dyta, është shoqëri e hapur. Përshembull, nëse une mendoj që je budalla, ndryshon gjë kjo?Ja ta zëmë se mendon ti se jam budalla, çfarë ndryshon kjo për mua?

Kjo është tipike e vendeve të vogla dhe shumë të limituara. Nuk më intereson. Realisht nuk më kushton askund.