Kahrimanoviç zhbllokoi ndeshjen në minutën e 33’, duke shënuar nga pika e bardhë e penalltisë. 5 minuta më vonë, Nonato dyfishoi shifrat në zhvillimin e një goditje dënimi.

Gjithsesi Egnatia nuk dorëzohet dhe në shtesë riahpi lojën me Duamena, që shënoi pas një goditje këndi.

Emocionet nuk mungojnë as në pjesën e dytë. Në minutën 71’ Nonato niset në një kundërsulm të shpejtë, shmang portierin Sherrin dhe e çon topin në rrjetë.

Por ai sinjalizohet në pozicion jashtë loje dhe gjyqtar anulon golin pas rishikimit të aksionit nga arbitri në dhomën VAR.

Në minutat e fundit është portieri Xhika, që bën heroin duke bërë disa pritje të shkëlqyera për t’i dhënë tri pikët Erzenit.

Në ndeshjet e tjera Kukësi mundi me rezultatin e pastër 2-0 Bylisin në “Kukës Arena” dhe merr tri pikë me vlera për mbijetesën.

Atdhe Rashiti zhbllokoi takimin me finde në minutën e 66’, ndërsa kapiteni Taipi mbylli llogaritë me një gol shumë të bukur nga goditja e dënimit.

Ndërkohë ndeshja mes Kastriotit dhe Teutës zhvilluar në Kamëz u mbyll në barazim 0-0. /zoom.al/