Duke vënë në dukje se janë në prag të një periudhe shumë të rëndësishme, Erdogan tha: “Siç e dini, 31 marsi është një pikë kthese në Turqi. Dhe në këtë pikë kthese, sytë e gjithë botës islame janë drejt Turqisë, se cfarë do ndodh këtu.

Kreu i shtetit turk njoftoi largimin nga politika, teksa deklaroi se zgjedhjet e 31 marsit janë të fundit për të.

“Unë vazhdoj punën time pa pushim, sepse për mua kjo është një finale. Me autoritetin që jep ligji, këto janë zgjedhjet e mia të fundit, por rezultati që do të dalë nga ky votim të jetë transferimi i një besimi për vëllezërit e mi që do të vijnë pas meje. Shpresojmë të fillojmë një epokë të re që nga 1 Prilli”, deklaroi Erdogan, sipas mediave turke.