Pas përfundimit të prime-t të së martës mbrëma (14 janar), ajo është shprehur se Gjesti, me të cilin këngëtarja ka krijuar një afrimitet shumë të madh ngjan shumë me ish të dashurin e saj Olsi Bylykun.

“Më kthen shumë pas në kohë Gjesti, po ma kujton Olsin” i ka thënë banorja Livia Brungës.

Ajo ka shtuar se ata janë shumë të ngjashëm me mendimet dhe tipin.

“Janë shumë të ngjashëm me mendimet, me tipin. Kur flasim seriozisht po më tremb. Më bën shumë për të veshur dhe njerëzit që bëjnë për të qeshur janë të rrezikshëm,” u shpreh Egli.

Vlen të përmendet fakti se mes Eglit dhe Gjestit duket se po nis një romancë. Kjo pasi dyshja janë parë të kalojnë kohë të mirë në prani të njëri-tjetrit.

Egli ka qenë në një romancë prej 5 vitesh me aktorin Olsi Bylyku por lidhja e tyre përfundoi dy vite më parë.

Këngëtarja u shpreh se më mirë që ndarja ndodhi para se të ishte vonë, duke shtuar se është falenderuese që nuk erdhi në jetë një fëmijë apo të ishin martuar.

Ajo theksoi se “ndonjëherë lodhesh, lodhet dikush tjetër”, duke shtuar se marrëdhënia duhet të përfundojë kur shikon që të jep më shumë stres se kënaqësi.

“Vetëm të mira, me gjithë shpirt e them. Nuk është fundi i botës, njerëzit afeksionohen, përfshihen shumë dhe e zmadhojnë gjënë jashtëmase. Vuajtja është e imja në fund të ditës, çfarë të shqetëson ty.

Ai nuk ka qenë tipi që të më linte vend për dyshime. Kam pasur shumë besim përgjatë kohës që kemi ndenjur bashkë. E kishte fituar besimin tim ai”, u shpreh Egli.

Kujtojmë që Olsi Bylyku konfirmoi romancën e dashurisë me gazetaren Denada Lura, mbrëmjen kur ish-partnerja e tij u bë pjesë e Big Brother Vip.