Çdo gjë filloi pasi banorja u shpreh se nuk duhet të përmendin më konkurrentët që kanë dalë nga shtëpia, sepse është paburrëri. Romeo i tha aktores: “Tani u kujtove ti, kur i ke përmendur që 100 ditë?”

“Po ik o kalama kopshti, rritu. Je i vobektë fare në biseda edhe në debate”, iu drejtua Egla aktorit, i cili duke e injoruar i tha banores se mund të jetë i varfër dhe jo i vobektë, megjithëse kjo e fundit u shpreh se është e njëjta gjë.

“Të duket vetja burrë se ke lënë dy okë mustaqe. Ik grisu”, i tha Egla e revoltuar, ndërsa vazhdoi duke e ofenduar banorin: “Me të shpjeguar fjalën i vobektë unë ty! Ti je idiot more, je idiot nga koka te këmbët”.

E teksa Romeo e pyeti aktoren për kuptimin e fjalës “idiot”, kjo e fundit duke u tallur tha se është një kryevepër e letërsisë botërore.

Debati:

Egla: Unë mendoj që nuk duhet të merremi më njerëzit që s’janë në këtë shtëpi sespe nuk përgjigjen dot ti. Është paburrëri dhe papërgjesësi të merremi me njerëzit që kanë dalë.

Romeo: Po na tregon ti burrërinë! Të dhembi.

Egla: Jo zemra po të shpjegoj një etikë, një rregull që duhet ta mësosh. Nuk flitet për njerëzit në mungesë.

Romeo: Hë moj se thashë ku të thëmbi. Ti e ke bërë e para, tani e kape ti. Tani u kujtove ti kur i ke përmendur që 100 ditë.

Egla: O shpirti ke të drejtë. Jepi, vazhdo. Situatat mi tregojnë çdo natë.

Romeo: Kush ta tregon?

Egla: Vjen një zog dhe ma tregon çdo natë.

Romeo: Ti që thoje “kur të dalësh jashtë do ta shikosh”.

Egla: Po ik o kalama kopshti, rritu. Je i vobektë fare në biseda edhe në debate.

Romeo: A e din se çfarë është i vobektë?

Egla: I varfër në biseda.

Romeo: I varfër jo i vobektë.

Egla: I varfër i vobektë është. I vobektë të duket fjalë e shpifur?

Romeo: Jo moj ti e ke gojën lule.

Egla: Të duket vetja burrë se ke lënë dy okë mustaqe. Ik grisu.

Romeo: Po luan kartën e gruas?

Egla: Me të shpjeguar fjalën i vobektë unë ty! Ti je idiot more, je idiot nga koka te këmbët.

Romeo: Po idiot çfarë është?

Egla: Është një kryevepër e letërsisë botërore.

Romeo: O Egla sa më emociono kur flet o shpirt! /ZOOM.AL/