Ndonëse seriali mbaroi transmetimin pak javë më parë, pas pjesës finale, kurba e shikueshmërisë kaloi edhe atë që deri tani kishte mbajtur rekordin – ‘Game of Thrones’. Kjo, falë fansave të filmit, të cilët i kanë shpërndarë në rrjet me miliona herë pjesët e tyre të parapëlqyera.

Prodhimi i vitit 2020 – 2021, i cili u transmetua në FOX TV, pati një shpërndarje të jashtëzakonshme në rrjet në serialin e 52-të dhe të fundit. Hashtagu “sençalkapimi“, kaloi edhe serialin më të ndjekur në rrjet, ‘Game of Thrones’, i cili ka regjistruar plot 7.8 milionë klikime.

Ndërkohë, “Dashuria është në ajër”, vetëm një natë pas transmetimit të serisë finale, është shpërndarë më shumë se 9 milionë herë. Po kështu, në një kohë të shkurtër, fansat kanë shpërndarë me miliona herë edhe hashtagun “sençalkapimi“, duke e kthyer kështu në “serialin më të përfolur në rrjet në botë” me më shumë se 9 milionë klikime.

Aktorët kryesorë, Hande Ercel dhe Kerem Bursin, ndonëse e kanë mbyllur ciklin me serinë e 52-të, në jetën e tyre kanë nisur një serial të vërtetë dashurie.

Aktori që luan rolin e Serkanit, Kerem Bürsin, në një postim të tij në rrjet, shkroi ndër të tjera: “Kur mendoj për të gjitha kujtimet e bukura dhe pozitivitetin që ky projekt krijoi në jetën time, e vetmja fjalë që më vjen në mendje është faleminderit. Faleminderit kujtdo që u bë pjesë e këtij produksioni”. /Revista Class