Raportohet se ngjarja ka ndodhur në orët e para të mëngjesit të sotëm.

Raportohet se i moshuari me iniciale Z. Sh., ka goditur disa herë me bastun viktimën për motive të dobta.

82-vjeçari me iniciale V. V., si pasojë e dëmtimeve të marra ka humbur jetën.

Ndërsa autori i ngjarjes është arrestuar për veprën penale “Vrasja me dashje”.

Njoftimi i policisë: 

Specialistët e Sektorit për Hetimin e Krimeve të Rënda në DVP Tiranë në bashkëpunim me Komisariatin e Policisë Nr. 1, arrestuan në flagrancë shtetasin Z. Sh., 78 vjeç, banues në një azil privat për të moshuarit, për veprën penale “Vrasja me dashje”, parashikuar nga neni 76 i Kodit Penal.

Ky shtetas dyshohet se, sot më datë 08.08.2024, rreth orëve të para të mëngjesit, për motive të dobëta, ka goditur disa herë me anë të një bastuni (shkop hekuri), shokun e tij të dhomës, shtetasin V. V., 82 vjeç, i cili si pasojë e dëmtimeve të marra ka humbur jetën.

Materialet i kaluan Prokurorisë.