Megjithatë, një vit pas Hamasi nisi ofensivën e tij në Izrael. Dokumenti tregon se si Hamasi përgatiti përdorimin e dronëve për të çaktivizuar kamerat e sigurisë që kontrollojnë kufirin e Rripit të Gazës dhe se si militantët do të hynin më vonë në territorin izraelit në këmbë, por edhe duke përdorur automjete dhe paragliderë.

Raporti nuk specifikon nëse kryeministri Benjamin Netanyahu ose zyrtarë të tjerë të lartë izraelitë e dinin ekzistencën e dokumentit ose vendosën të shpërfillnin informacionin.

Tre muaj para sulmit, sipas Times, një analist veteran i inteligjencës izraelite paralajmëroi se Hamasi kishte kryer një test ushtarak të ngjashëm me atë të shpjeguar në dokument.

Megjithatë, një kolonel nga divizioni i Gazës i minimizoi raportet. “Unë e kundërshtoj kategorikisht që skenari është imagjinar”, shkroi analisti në një email. “Është një plan i krijuar për të nisur një luftë,” shtoi ai. “Ky nuk është vetëm një sulm ndaj një fshati.”

“Ata po stërviten, në forca të mëdha, për një ngjarje të madhe. “Kjo nuk është një paradë pushteti, është një përgatitje për atë që është reale”.

Mbetet për t’u habitur që Hamasi mund të nisë ofensivën e tij ndaj Izraelit, duke e ditur se shteti hebre kontrollon Rripin e Gazës nga deti, toka dhe ajri. Shin Bet është institucioni përgjegjës për inteligjencën kombëtare të Izraelit.

Lideri i Shin Bet, Ronen Bar, mori përgjegjësinë për sulmin në një letër të botuar në gazetën Haaretz: “Megjithë një sërë veprimesh që ndërmorëm, për fat të keq nuk ishim në gjendje të jepnim një paralajmërim të mjaftueshëm që do të na lejonte të pengonim sulmin. Si kreu i organizatës, përgjegjësia për këtë bie mbi mua.”

A mund ta kishte parandaluar Izraeli sulmin?

Disa ditë pasi Hamasi sulmoi Izraelin më 7 tetor, zyrtarët izraelitë i thanë Axios se një natë para sulmit, inteligjenca izraelite zbuloi aktivitete të parregullta në Gaza. Po atë ditë, autoritetet izraelite u takuan për të vlerësuar rrezikun, por vendosën të prisnin më shumë informacion nga shërbimet e inteligjencës përpara se të zhvendosnin ushtrinë në kufirin me Gazën.

Në fakt, në një raport tjetër të publikuar nga Times, zyrtarët izraelitë pranuan se ata mund të kishin reduktuar viktimat e sulmit të Hamasit nëse autoritetet do t’i kishin marrë seriozisht paralajmërimet dhe do ta kishin përforcuar Rripin me IDF. /A.Q./