30-vjeçari, i cili u ekzekutua me breshëri plumbash, kishte bërë premtimin para familjarëve, sipas Vox News.

I riu u qëllua për vdekje në autostradën Fier-Vlorë nga persona ende të paidentifikuar.

Pista kryesore e hetimeve është hakmarrja mes dy fiseve Bardhi e Reçi në Rrëshen të Mirditës, që vijon prej 29 vitesh.

Policia bastisi banesën e familjarëve të Kastriot Reçit në Rrëshen, ndërsa 4 anëtarë të fisit të tij, mes tyre Saimir e Martin Reçi, u morën në pyetje në polici, por ata kanë mohuar të kenë lidhje me vrasjen e 30-vjeçarit.

Vrasja e Martin Bardhit

E shkuara kriminale e 30-vjeçarit

Në vitin 2023, Kristian Marku u akuzua si një nga autorët që qëlloi me armë zjarri ndaj Sajmir Reçit në Rrëshen të Mirditës, në mars.

Një ditë pas ngjarjes, policia prangosi Martin Bardhin, ndërsa shpalli në kërkim djalin dhe nipin e tij, Erind Videl alias Erind Bardhi dhe Kristian Marku alias Kristi Bardhi.

Armë pa leje

Pak muaj më vonë, në shtator, Policia e Kurbinit prangosi Kristian Markun gjatë një operacioni policor të koduar “Tentativa”.

Ai po lëvizte me automjet dhe me vete kishte edhe armë zjarri, pa leje. Në afërsi të fshatit Shëmri, sapo pa policët, Marku hodhi nga dritarja e automjetit pistoletën me fishekë në të, të cilën e posedonte pa leje.

Shërbimet e Policisë e gjetën armën e zjarrit dhe e sekuestruan me cilësinë e provës materiale.